Мынам азбаре – музей

Аслэсьтыз вордскем юртсэ музейлы пӧрмытыны кариськиз Удмуртиысь тодмо суредась, кибашлы Зоя Лебедева. Со азинтыны тырше песятаезлэсь но анаезлэсь мытэм ужзэс. Соос ас вакытазы узыр материал люкаллям гурт улон, сям-йылолъёс сярысь.

Экспонатъёс луозы Зоя Лебедевалэн песятаезлэн Туктарев Михаил Григорьевичлэн шыкысысьтыз ужкагазъёс. Ортчем даурлэн кутсконаз со сельсоветлэн кивалтӥсез вылэм. Со сяна анаезлэн Анастасия Яковлевна Байсаровалэн суредъёсыз. Со биологиен дышетись луыса ужакуз учебник вӧзы ачиз юрттон пособиос лэсьтылэм.

«Сюлэм косэ монэ та юртме музей карыны, – шуэ Зоя Лебедева. – Ужкагазъёс чернилаен гожъямын ай, корка пуш тӥрлык но туала дырлы тупасьтэм – нош со ваньмыз асьмелэн историмы. Мынам сое утеме потэ».

Вашкалаез борды итӥськоз туалаез но – Зоя Лебедевалэн улонэз. Туннэ со аслыз ним лэсьтӥз ини. Со быдэс шаерамы аспӧртэм кибашлы луэменыз тодмо.   

Дом Дружбы народов
Добавить комментарий