Дом Дружбы народов /
  • Иворъёс
  • «Музейный гид» форумын Удмуртиысь бырем гуртъёслэн Калык музейзы возьматэмын вал
  • «Музейный гид» форумын Удмуртиысь бырем гуртъёслэн Калык музейзы возьматэмын вал

    6 июня 2018 г.


    31-тӥ куартолэзьысен 3-тӥ инвожоозь Москваын «Музейный гид» форум ортчиз. Отын возьматэмын вал 2017-тӥ арын тужгес но усто музей ужъя проектъёс.

    Вылӥ дунъямын Удмуртиысь бырем гуртъёслэн Калык музейзы. Со 23-тӥ куарусёнэ 2017-ти арын кылдытэмын Эгра ёросысь Сеп гуртын.

    Музей туж аспӧртэмлыко ӵектос. Отын утисько бырем гуртъёс сярысь тунсыко материалъёс: гожтыса кельтэм тодэ-ваёнъёс, юртъер котырын, гуртын кутӥськись арбериос. Озьы ик музее люкамын берло 100 ар ӵоже гурт быронлэн мугъёсыз сярысь тодос ужъёс.

    Проектлэн кивалтӥсез Александр Юминов вера: «Ӵектосэн пӧртэм арлыдо, инлыко адямиос тунсыкъясько. Материалъёсты люкан уже быдэс гурт пыриськиз. Учконо ке, музейын чылкак тодмотэм арбериос ӧвӧл, нош котькуд адямилэн верам историез дунлыксэ будэтэ».

    Ӟеч уж лэсьтонъя Владимир Потанин фондлэн валтӥсь директорез Оксана Орачева бырем гуртъёслэн музейзылы вылӥ дунъет сётӥз, со шуиз: «Проект шаертодонъя ужлы гурт сообществоен валче кариськыса мынонлы кутскон сётӥз, шуыны луоз. Вераськон туала музеез кылдытон сярысь гинэ уг мыны, со быдэс интывылэз азинтон луэ».

    Туспуктэм: https://vk.com/sepnmid