Можга карлэн нуналыз

Туэ праздникез азьвыл аръёслэсь пӧртэмгес ортчытыны малпамын. 19-тӥ гудырикошконэ карысь микрорайонъёсын шулдыръяськонъёс радъямын вал. Матэктӥсь кӧснуналэ огазеям праздник ортчоз.

Можга кар администрация Элькун тӧролэсь Александр Бречаловлэсь ӵектонзэ санэ басьтӥз. Со шуиз вал, карлэсь праздниксэ одӥг нунал ӵоже гинэ ортчытыоно ӧвӧл. Нырысь огазеяны кулэ одӥг азбарын, ульчаын, микрорайонын  улӥсьёсты. Соос куспын пӧртэм ужрадъёс малпаны луоз – экологилы сӥзем, спортъя ӵошатсконъёс, ярмаркаос, нылпиослы шулдыръяськонъёс, дэмен ӝук сиён.

Сыӵе амал юрттоз бускелен артэ-валче улыны. Отысь ик потыны быгатоз калыклэн карлэн улоназ пыриськыны мылкыдзы, сое шулдыргес, тунсыкогес карон вылысь.

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий