Можгалан нош ик ортчоз Выль праздник

Кылем арын сямен ик, выль емышъёсыз октонлы сӥзем шулдыръяськон ортчоз Сюга шурлэн ярдураз. Одӥг нуналлы отын кылдоз Выльгурт.

Ӵукна ик солэн урамъёсаз «Ужам уж ассэ возьматэ», «Паймымон емышъёс» но «Бакча сульдэр» ярмаркаос усьтӥськозы, отын кин ке возьматоз, кин ке учкоз ваем бакча емышъёсыз, куд-огзэ веръяны но луоз.

Озьы ик вань мылкыд карисьёс быгатозы пыриськыны кырӟанъя «Выль крезьгур», семьяос понна «Азвесь сюрло» вожвылъяськонъёсы, «Быгылес сяртчыос» эстафетае, егитъёс понна «Быдэ вуон» шудонэ.

Пиналъёс понна радъяськоз «Кӧжыпогъёс» площадка, вань мылкыд карисьёс понна — шулдыр концерт но трос мукет конкурсъёс.(0+)

http://udmdunne.ru/2018/07/mozhgalan-nosh-ik-ortchoz-vyl-prazdnik/

Контентмейкер, мемолог и журналист

Дом Дружбы народов
Добавить комментарий