Министр бордын ялан ужась кенеш люкаськиз

Нырысь ик вань люкськемъёс эскеризы асьсэлэсь этнографи тодонъёссэс «Бадӟым этнографи диктант» нимо акцилы дасям юанъёслы валэктонъёс сётыса. Ужрадэ пыриськисьёс пусйизы юанъёслэсь Россиын улӥсь калыкъёс сярысь энциклопедической тодонъёсты кулэ каремзэс.

Кенешез азинтӥз йӧскалык политикая министр Лариса Николаевна Буранова. Со ивортӥз Удмуртиын йӧскалык политикая удысын ортчем ужрадъёс сярысь. Нимысьтыз саклык висъяз вуоно ужрадъёслы. Гудырикошкон-коньывуон толэзьёсы элькунамы радъяськозы: "Бадӟым этнографи диктант", «Шундыкар» но «Усточикар» лагерь сменаос, ёросъёсысь но каръёсысь мерлыко огазеяськонъёсын пумиськонъёс, ичи лыдъем выжы калыкъёслэн форумзы, Калыккуспо «Палэзян» фестиваль, Мултан ужлы сӥзем научно-практической конференци, Удмуртиысь муниципал кылдытэтъёслы но удысужлы дышетон ужъюртъёслы калыкъёслэсь кусыпъёссэс но ог-огзэсты валанзэс азинтыны юрттӥсь ӵектосъёсты быдэстыны субсиди сётон.

Министр бере ивортон лэсьтӥз Россия Федерациысь юстиция министерстволэн Удмурт Элькунъя кивалтонниысьтыз ӧнерчи О.А. Коробейникова. Ольга Александровна Россия Федерацилэн коммерциен герӟаськымтэ огазеяськонъёслы сӥзем катъёсыз сярысь, отчёт сётонлэн радлыкез но дырыз сярысь мадиз.

Кенешез йылпумъязы таукаронъёс. «Грузинское землячество» мерлыко огазеяськон (кивалтӥсез Барамидзе Давид Акакиевич) туэ куартолэзе Удмурт Элькун Кивалтэтлэсь семинар-кенешсэ радъяны юрттэмез понна Удмурт Элькун Тӧролэн но Кивалтэтлэн Администрациенызы кивалтӥсьлэн таукаронэныз пусйемын.

Дом Дружбы народов
Добавить комментарий