“Меми дор сяськаос»

“Меми дор сяськаос» вожвылъяськонэз радъясьёслэн верамзыя, ужъёсты 4 номинациосъя ыстыны луоз:

 — «Меми дор сяська» – ас киосын будэтэм гераньёс пӧлын йӧскалык дӥськутэн пуксем кышномурлэн туспуктэмез.

— «Анайлэн сяськаосыз» – анаезлэн будэтэм сяськосыз пӧлын йӧскалык дӥськутэн пуксем нылпилэн туспуктэмез.

— «Удмурт сяська тырон» – удмурт шӧмын ас киосын быдэстэм сад тырон посудалэн туспуктэмез.

— «Паймымон сяська» – укно дурын яке бакчаын будӥсь аспӧртэм сяська сярысь видеосуред. Удмурт кылын ивортоно сяськалэн кылдэмез но сое будэтонлэн аспӧртэмлыкез сярысь.

 Туспуктэмлы куронъёс: Туспуктэм конкурслэн но номинацилэн нимыныз герӟаськемын, вылӥ ӟечлыкъем но jpeg форматэн луыны кулэ.

 Видеосуредлы куронъёс: MP-4 яке MPEG-4 форматэн луыны кулэ, нош дырызъя 5 минутлэсь кузь луыны кулэ ӧвӧл.

 Видео-но фото-ужъёс улын удмурт кылын автор сярысь ивортонэз луыны кулэ: 1. Нимтул. 2. Кытысь. 3. Кин туспуктэмын яке видеосуредын. 4. Арлыд (авторлэн но, нылпилэн но). 5. Телефон номер.

Видео-но фото-ужъёсты таӵе электрон адресъя ыстоно: sahara07@mail.ru яке Удмурт нылкышно кенешлэн «ВКонтакте» группаяз.

Ужъёсты кутон 15-тӥ куартолэзёзь кыстӥськоз. Вань ужъёс Удмурт нылкышно кенешлэн «ВКонтакте» группаяз поттэмын луозы. Вормисьёсты интернет пыр куара сётыса быръёзы.

 

 

Контентмейкер, мемолог и журналист

Дом Дружбы народов
Добавить комментарий