Малы уг азинскы удмурт кино кылдытон уж?

Оглом чакласа, туннэ нуналлы удмурт кылын 2 гинэ фильм поттэмын – «Узы-Боры» но «Пузкар». Соос сяна бадӟым экранын возьматымон ужъёс ӧвӧл. Вань нимаз адямиос, асьсэ коже но ӵемысь асьсэ понна фильмъёсты кылдытӥсьёс.

Кинолэн дунневыл но пӧртэм кунъёсын азинскись историяз пӧртэм учыръёс вань, кылсярысь, фильмъёс кылдытон уж «пӧзе» Якутиын. Якутскын возьматӥськись йӧскалык фильмъёс быдэс зал учкисез люкало, улӥсез отын Ижынлэсь кык поллы ӧжытгес ке но.

Кызьы пусйиз «Ижевский киноклуб» огазеяськонэз кылдытӥсь Андрей Смирнов, малпано ке, туннэ удмурт кино лэсьтыны кутскон понна ваньмыз вань: тунсыко адямиос, камераос.

«Котырес ӝӧк» сьӧрын огкылэ вуизы — туннэлы ӧвӧл мыло-кыдо ӧнеричос. Адямиос, кин быдэсак ас вылаз басьтысал та ужез — сценарий гожтон бордысен кутскыса, коньдон ужпумъёсты сэрттытозь. Но тазьы но ужаны кема уз кылды. Вылӥ ӟечлыко кино лэсьтыны кусткытозь, тӧрлыклэсь юрттэт кулэ.
 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий