“Лудорвайын” финн-угор мультфильмъёсты возьматӥзы

Эстон, хант, саам, удмурт, пор, карел, коми, мордва калыкъёслэн выжыкылъёссыя, мадёсъёссыя но веросъёссыя 38 мультфильмъёс возьматэмын вал.

Ужрадлэн валтӥсь мугез – финн-угор дуннелэсь дауръёс пыр утем узырлыксэ туала амалъёс пыр усьтон.

Вожвылъяськонэ ыстэм ужъёсты жюри дунъяз вить номинациосъя: нылпиослы сӥзем мультфильм, авторский, студийный, прикладной анимаци но калыклэн кылызъя лэсьтэм мультфильм.

Студийной мультфильм номинациын вормиз Эстон мультпликатор Приит Тэндор. Со кызь ар пала ужа анимаци удысын. Та амал пыр художник пӧртэм калыкъёслэн выжыкылъёссыя мультфильмъёс кылдытӥз ини. Анимаци пыр вакчи дыр куспын покчиосты но бадӟымъёсты но калыклэн философиеныз тодматыны луэ, шуэ Приит.

Фестивальын мультфильмъёс возьматэм сяна, анимаци амалэн ужанъя мастер-классъёс радъямын вал. Озьы ик вераськон мынӥз финн-угор калыкъёслэн мультипликацизылы сӥзем мерлыко сайт кылдытон пумысен. Та фестиваль музейёслы калыкен ужаны выль луонлыкъёссэс но усьтэ.

«Ми тыршиськомы котьку но выль амалъёсты уже кутыны, – шуэ музеен кивалтӥсь Татьяна Шкляева. – Удмуртиын та ӧръя нокин уг ужа на. Вань нимаз адямиос, кудъёсыз лэсьто мультфильмъёс но тазьы дэмен уже нокин ӧз кутскы на. Ми понна со чылкак выль сюрес».

Фестиваль кык нунал ӵоже кыстӥськиз. Конкурсэ ыстэм ужъёс музейлэсь коллекцизэ узырмытӥзы, азьланяз соосты уже кутыны выль луонлыкъёс усьтӥзы.

http://www.myudm.ru/

 

Контентмейкер, мемолог и журналист

Дом Дружбы народов
Добавить комментарий