«Лица России. ХХI век» книгае 2 удмурт азьветлӥсь пыртэмын

Сое Президентлэн грантъёсъя фондэз юрттэмъя «Еврейёслэн национально-культурной автономизы» огазеяськон поттӥз. Отчы пыртэмын Россиын улӥсь азинлыко егитъёс сярысь гожтэмъёс но туспуктэмъёс. Кылсярысь, книгаысь адӟыны луоз асьме удмурт азьветлӥсьёсты — кылбурчиез, кырӟасез Богдан Анфиногеновез но бесерман крезьёсты быдэсъясез Мария Корепановаез.

— Ми тыршимы пӧртэм калыкъёсысь адямиосты бырйыны, — веразы проект бордын ужасьёс. — Егит муртъёс пыр возьматӥмы калыклэсь азинскемзэ, улэп луэмзэ.

Книга пумысен аслэсьтыз мылкыдзэ вераз Б. Анфиногенов:

– Мон понна со бадӟым данъяськон но кыл кутон. Книгае пыртэм туспуктэмын вылам 1950-тӥ аръёсы куэм дэрем, бӧрсям Пичи Пурга ёросысь Арлан гуртысь песянаелэн куэм шобретэз. Мугоры ик юзыр-кезьыр луэ, аръёс ортчыса быдэс Россиын соосты адӟыны быгатозы шуыса.

https://udmdunne.ru/2018/11/lica-rossii-khkhi-vek-knigae-2-udmurt-azvetl%D3%A5s-pyrtehmyn/

Контентмейкер, мемолог и журналист

Дом Дружбы народов
Добавить комментарий