Латвилэн шоркараз Ригаын Финн-угор фестиваль ортчиз.

Мадьяр профессор Агнеш Кережи ханты калыклэн улоназ шаманъёслэн интызы сярысь вераз, нош Хельсинки университетысь магистр Йоханна Тойванен финн но прибалтика калыкъёслэн кырӟанъёсазы писпу но кулон теман тодматӥз. Со сяна Таллинысь философи тодосъя доктор Людмила Ямурзина поръёслэн кулэм адямиез ватон йылолъёссы сярысь вераз.

Озьы ик фестивале пыриськисьёс учкизы пор режиссёрлэсь Алексей Алексеевлэсь «Угиндэ» кинозэ но Удмуртиысь егит фольклористлэсь но режиссёрлэсь Денис Корниловлэн «Мать» ужзэ.

Фестивалез йылпумъяз концерт. Отчы пыриськизы Латвиысь но Эстониысь лыктэм коллективъёес.

Удмуртиысь тужгес но трос концертэ пыриськисьёс вал – со Тарту карысь «Юмшан гур» но Таллинысь «Ошмес» ансамбльёс. Озьы ик бесерман калык кырӟанъёсты быдэстӥсь Мария Корепанова.

«Юмшан гур» ансабле ветлӥсь Анастасия Сидорова вера: «Милям ансаблямы тросгес ветло Татруэ дышетскыны лыктэм удмурт студентъёс. Арысь аре выльёсыз вуо, соос репертуарамы мар ке но выльзэ пырто. Та фестивальын ми 3 удмурт кырӟанъёсты быдэстӥм. Учкисьёс милемыз туж шуныт пумитазы». 

Дом Дружбы народов
Добавить комментарий