Лариса Буранова: бигер шаерын удмуртъёс умой уло

Съезд кун управление сӧзнэтын йӧскалык политика ужпумъёсты азинтыны луонлыкъёсты эскерыны, улонэ пыӵатыны валтэ.

Форумлэн ужаз пыриськиз Удмуртиысь йӧскалык политикая министрлэсь ужзэ быдэсъясь Лариса Буранова.

«Татар-информ» ИА-лы Лариса Буранова бигер шаерын удмуртъёслэн улэм-вылэмзы сярысь вераз.

«Татарстанын трос гинэ удмуртъёс уло, — шуиз Лариса Буранова. – Соослы татын ас кылзэс азинтыны вань луонлыкъёс кылдытэмын: школаосын но нылпи садъёсын анай кылэз дышето, удмурт сям-йылолъёсты пӧртэм фольклор коллективъёс возьмато. Удмуртиын трос гинэ Татарстанысь потэм наука но литература удысъёсысь тодмо адямиос улӥзы но уло».

Лариса Бурановалэн малпамезъя, Россиын улӥсь калыкъёслэсь йӧскалык аспӧртэмлыкзэс утёнын валтӥсь интыын семья луэ.

«Номыр шоры учкытэк, семьяын сям-йылолъёс утисько, уло ке, оскон вань, со адями аслаз нылпиосызлы но анай кылэз гажан мылкыд пыӵатыны быгатоз, — азьланьтэ министрлэсь ужзэ быдэсъясь. – Озьы ке но, туала вакытэ кылэз семья пушкын гинэ утьыны уз луы, анай кыл чузъяськыны, адӟиськыны кулэ туала технологиосын но, шуом, Интернетын, егитъёслэн туала ӧръёсазы».

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий