Кыӵе кунъёсысь мигрантъёс тросгес вуо Удмуртие

Асьсэ ужъёссыя Элькунамы 5 сюрс адями вуылӥз: 10 сюрс палаез уже интыяськон вылысь, сюрслэсь тросэз – дышетскыны, 1200 – туристъёс вал, кылемъёсыз мукет ужпумъёсъя ветлӥзы.

Мукет кунъёсысь мигрантъёс пӧлысь 80 процентэз азьвыл Совето Союзэ пырись Элькунъёсысь. Азьвыл аръёсы сямен ик тужгес тросэн асьме доры лыкто Узбекистанлэн кунмуртъёсыз, собере Таджикистанысь, Азербайджанысь но Украинаысь. Кыдёкысь кунъёсысь Удмуртие тросгес лыктӥзы Германиысь, Китайысь но Египетысь адямиос.

Мигрантъёс пӧлысь ӝыныез уже интыяськон вылысь вуэмын. Нялтас вераны кулэ, мукет кунъёсысь лыктэм муртъёс ужъя рынокын бадӟым инты уг басьто. Ваньзы пӧлысь одӥг процентэз гинэ ужало шуыса лыдъяське.

«Кылем арын ужаны 4 сюрс 400 пала патент сётэмын вал. Со сыӵе муртъёслы висъяське, кинъёс Россие визатэм режимен кунъёсысь вуо. Соослэн валтӥсь ужзы – лэсьтӥськон, вузкарон но юрттӥськет удысъёс луо», – пусйиз ужъя но миграци политикая министрлэсь ужзэ быдэсъясь Надежда Губская.

Солэн кылъёсызъя, Элькунамы мигрантъёсты куд-ог ужъёсы кутыны лэземын ӧвӧл. Кылсярысь, иностранецъёслы таксистын но автобус водитель луыса ужаны уг лэзё.

http://www.myudm.ru/

 

Контентмейкер, мемолог и журналист

Дом Дружбы народов
Добавить комментарий