Дом Дружбы народов /
  • Иворъёс
  • «Ку» бичетэныз тодматӥз Анастасия Шумилова
  • «Ку» бичетэныз тодматӥз Анастасия Шумилова

    7 июня 2018 г.


    Быдӟым ӟуч кылбурчилэн Александр Пушкинлэн вордскем нуналаз Ижкарысь одӥгаз барын удмурт кылбуръёс чузъяськизы. Анастасия Шумилова выль кылбур бичетэныз тодматӥз.

    Ижкар шорысь пичи гинэ шутэтскон инты огдырлы литература салонлы пӧрмиз — йыгаса, пеле шуккиськись крезьгур интые кылбуръёс чузъяськизы. Анастасия Шумилова люкаськемъёслы «Ку» нимам бичетысьтыз кылбуръёссэ шара лыдӟиз.

    «Нырысетӥ бичетам, со «Дыр-эктон» нимаське, кылбуръёсы визь пыртӥ поттэмын, нош таяз – сюлэм пыртӥ. Со 2 но ӝыны ар ӵоже кылдэм ужъёсы. «Ку» – со дуннеез куэн шӧдон, неосознанной мылкыдъёс, малпанъёс, куке визь уг вормы сюлэмез», — шуэ Анастасия.

    Кылбуръёс вискын — юанъёслы валэктонъёс, Анастасия Шумиловалэн кылбуръёсызъя гожтэм кырӟанъёс. Егитъёслы матын луись амалэн, электрон гуръя чузъяськись кылбур авторлэсь малпанзэ мукет сямен усьтыны юрттӥз, выль шӧм пыӵатӥз.

    http://www.myudm.ru/