Куинетӥ классын дышетскись нылпиос пӧлын «Вуюись» ӵошатскон кызь витетӥзэ ортчиз

Ӵошатсконэ пыриськизы Шаркан ёросысь 16 школаысь пиналъёс, но Дэбес ёросысь Зар-Медлаысь дышетскисьёс. Быгатонлыкъёссэс соос возьматӥзы 4 номинация: выжыкыл, удмурт эктон, этномода, фольклоръя композиция.

Быги гуртысь культура юртын залэз тырмемын вал — таиз уката но шумпоттытэ. Нылпиоссэс учкыны вуиллям анай-атайёссы, песянайёссы. Котькудӥз коллектив туж зол дасяськемын, мылкыдзы пачыла, быгатонлыкъёссы паймымонэсь!

«Вуюись» ӵошатскон понна трос-трос аръёс ӵоже кыл кутэ Нылпи творчествоя юртысь ӧнерчи — Иванова Надежда Пифагоровна. Со шоры учкыса валаськод, кыӵе луыны кулэ зэмос педагог, кудӥз ватсаса образование сётэ будӥсь нылъёслы но пиослы. Надежда Пифагоровна ужаз на туннэ сцена вылын нылпиослэн анайёсынызы но атайёсынызы. Соин ик, анай-атайёс пиналъёссылы яркыт но чебер удмурт шӧмъем дӥськутъёс дасязы!