Кузебай Герд нимо йӧскалык музей «Музейёслэн уйзы» акцие пыриськоз

«Тужгес но тунсыкоез со «Из удмутов в кельты» нимо историлы сӥзем урок,  – шуэ йӧскалык музейысь ӧнерчи Надежда Кузнецова. – Солэн оглюкетэз сӥземын луоз кельтъёслы: кинъёс соос, мар дӥсяло, кызьы но кыӵе ожтӥрлыкъёсын ожмасько вылэм. Лэземын луоз возьматонэ поттэм арбериосты кутылыны, туспуктыны. Луоз пичияк квест-викторина-визьсынан, озьы ик удмурт но кельт калык эктонъёсъя мастер-класс».

Ватсаса: 18-тӥ куартолэзе музейёслэн калыккуспо нуналзы. Арлы быдэ сое пусъё 1978-тӥ арысен, музейёслэн калыккуспо кенешсылэн кичӧлтэмезъя. Солы сӥзьыса, ог 150 кунъёсысь пӧртэм пуштросъем музейёс нимысьтыз ужрадъёс дасяло – пумиськонъёс, шудонъёс, адӟытонъёс. Берло аръёсы сяме пыӵаз ни «Музейёслэн уйзы» акци ортчытъяны, бер ӝытозь калыкен тунсыко амалъёсын ужаны.

 

Контентмейкер, мемолог и журналист

Дом Дружбы народов
Добавить комментарий