Котькин Удмуртилэн кунлык басьтэмез дырысеныз 100 ар тырмонэз пусъёнъя аслэсьтыз ӵектонъессэ сётыны быгатэ

Юбилей пусйиськоз 2020-тӥ арын. Солы дасяськонъя оргкомитетэн тӧролэсь ужзэ быдэсъясь ачиз кивалтоз. Сопредседатель шуыса юнматэмын «Удмурт Кенеш» огазеяськонлэн дано тӧроез Валентин Тубылов.

Удмуртилэн кунлык басьтэмез дырысеныз 100 ар тырмонэз пусъёнлы дасяськон кутскиз Валентин Тубылов ӵектэмен. Ӵапак со ужпумез ӝутӥз куартолэзе «Удмурт Кенешлэн» Александр Бречаловен пумиськоназ. Юбилей удмурт шӧмо луыны кулэ, лыдъя Элькунлэн дано кунмуртэз:

«100 ар тырме удмурт калыклэн кунлык басьтэмезлы, нош тросэз янгышаса малпало Удмурт Элькунлы шуыса. 1920-тӥ арын кунлык сётэмын ӧй луысал ке, удмурт калык сярысь ӧй тодысалыз нокин но».

1920-тӥ арын 4-тӥ шуркынмонэ кутэмын вал Удмурт автоном улос кылдытыон сярысь пуктэт. Озьы удмурт калык нырысьсэ нимлыко кун статус басьтӥз. Дауръем юбилей, историез пусъем сяна, калыкмылэн ӵуказе нуналэзлы инъет кылдытыны кулэ, огкылысь луо «Удмурт Кенешлэн» азветлӥсьёсыз.

Юбилей улсын ортчытыны ӵектэм ужрадъёс пӧлын – удмурт азьветлӥсьёслы синпелетъёсты выльдон, энциклопедиос но кыллюкамъёс поттон, Глазовын удмурт гимназия усьтон, Можга педколледжлэсь юртсэ тупатон, удмурт телевидениез спутник вылэ поттон, удмурт кылын мобильной приложениос кылдытон но трос мукет.

 

Контентмейкер, мемолог и журналист

Дом Дружбы народов
Добавить комментарий