«Команда Удмуртии» конкурслы йылпумъянъёс лэсьтэмын

“Та паймымон проект, — пусйиз Тӧро Александр Бречалов. — Со «Лидеры России» проектъя лэсьтэмын ке но, золгес но зэмосгес пӧрмиз. Угось проектэ пыриськисьёс асьсэ быгатэмзэс кыл вылын гинэ ӧвӧл, зэмос огазеяськонъёсын тыршыса возьматӥзы. Ар талэсь азьло мон шуи: «Удмуртия — бадӟым дуннелэн оглюкетэз». Соку та вералы тросэз ӧз оске. Угось дышемын асьсэ луонлыкъёссылы оскытэк улыны. Но «Команда Удмуртии» конкурсэ 600 пала адями пыриськыны мылкыд каре шуыса тодӥ но туж шумпотӥ. Озьыен, Удмуртиез воштыны мылкыд карисьёс трос. Оскисько, ваньмыз али гинэ кутске ай, тӥ но тӥляд малпанъёсты, выль ужъёсты шаермылы туж кулэ. Удмуртия зэмзэ но мылкыдэз аратэ, ужатэ!”

«Команда Удмуртии» конкурсын финалозь вуиз 50 адями. Толон соос пӧртэм огазеяськонъёсты азинтонъя проектъёссэс утизы, возьматӥзы командаен ужаны быгатэмзэс. Туннэ ялэмын 30 вормисьёс. Ваньмызлы соослы А. Бречалов «Современная психология управления» программая тодон-валанзэс будэтонъя сертификатъёс сётӥз. 5 адямилы уж ӵектэмын. Озьы Елена Ахмедзянова Удмуртиысь бизнес-инкубаторын ужалоз, Роман Скобкарев — «Удмуртия — территория спорта» проектын, Феликс Гибадуллин — вуз каронъя «Сделано в Удмуртии» юртын, Алексей Соболев — «Развитие Удмуртии» корпорациын, Андрей Покоев — республикаысьтымы спортъя министерствоын.

http://udmdunne.ru/2018/09/komanda-udmurtii-konkursly-jjylpumyanjos-lehstehmyn/

Контентмейкер, мемолог и журналист

Дом Дружбы народов
Добавить комментарий