“Кольыёшурма” – Ижкарын

Этнофутуризмъя 9-тӥез калыккуспо симпозиуме Удмуртиысь, Башкириысь, Тататрстанысь, Марий Элысь, Пензаысь, Эстониысь, Финляндиысь 28 суредасьёс пыриськизы. Соос 2 арня ӵоже Кольыёшурма быдтэм гуртын ужазы.

Ватсаса. Кылем дауре, Нижнекамск ГЭС-эз лэсьтыку, Кольыёшурма гуртлэн ӝыныез ву улэ шедиз, соин калык кошкиз отысь.

Вера ужӵектослэн одӥгез кураторез, суредась Юрий Лобанов:

«Та милям нырысетӥез таче ужмы. Ми азьвыл буёлъёсын выриськом вал. Таяз радэ уже мынӥзы луо, суй, вуж коркалэн коръёсыз, турын, из, корт, турын. Котькуд уж юрттӥз суредасьлы пушкысьтыз мифологизэ поттыны. Асьме калык кышка ас пушкысьтыз валантэмзэ, паймымонзэ поттыны. Нош ми ӧм кышкалэ – поттӥм сое. Туж усто пӧрмиз».

Озьы азинтиськиз этнофутуризмлэн эшшо одӥг ӧрез – ландшафт искусство яке мукет сямен ленд-арт. Симпозиумын кылдытэм объектъёсты Алнаш ёрослы кузьмазы. Соос сыло Кольыёшурма гурт интыын. Нош Ижкаре туспуктэмъёсты ваизы.

Дом Дружбы народов
Добавить комментарий