“Ковёр” караоке-барын нырысьсэ ортчиз «Шудком» шудон

Удмурт азьветлӥсьёс, студентъёс, сяна, шудонэ вуизы Историяя, кылъя но литературая удмурт институтысь тодосчиос, «Удмуртия» ГТРК-ысь иворчиос, лулчеберет удысысь ужасьёс.

«Шудком» радъяськиз «Что? Где? Когда?» шудон выллем, аспӧртэмлыкез – быдэс шудон удмурт кылын мынэ. Нуисез Николай Ильин – юанзэ лыдӟем бере, команда одӥг минутскын гожтыса валэктон сётыны кулэ. Кудӥз команда тросгес балл люка, со ик вормисе потэ.

Та шудонлэн юанъёсыз кыӵе ке нимысьтыз тодон-валанлы сӥземын ӧвӧл, соос кулэ каро логикаез но малпаськыны быгатэмез. Соин ик та шудон визьмез умой сына –пусйё шудонэз радъясьёс

Озьыен, нырысетӥ шудонын вормисе потӥзы:

1 инты – "Дэмен" огазеяськонлэн командаез;

2 инты – "Удмурт дунне"-ын ужасьёслэн командазы;

3 инты – ГТРК-ысь ужасьёслэн "Кыло-ымо" командазы.

Кыкетӥез «Шудком» радъяськоз куартолэзе.

Дом Дружбы народов
Добавить комментарий