Кияса ёросысь “Инвожо” ансамбль Узбекистанысь бадӟым вормонэн бертэ

Отын “Инвожоос” куинетӥ инты басьтӥзы. Со сярысь аслаз “ВКонтакте” вотэс бамаз гожтӥз ансамбле пыриськись Татьяна Тукаева.

“Выжыкылэ кадь вуылӥмы. Сыӵе узыр но туж шуныт пумитамзы котьку сюлмамы улоз”,- гожтэ Т. Тукаева.

Фестивале оглом 19 кунъёсысь 90 коллективъёс пыриськизы. Вожвылъяськон кык нунал кыстӥськиз. Нырысетӥ инты басьтӥз Киргизиысь коллектив, нош кыкетӥ луиз Узбекистанысь ансамбль.

Фестивальлэн жюриез вылӥ дунъет сётӥз “Инвожо” калык ансамбльлы но. Соос Уддяди сюанэз ортчытон сям-йылолъёсты возьматыса, куинетӥ интыез утӥзы. Коллективлы 1 сюрс 500 доллар коньдонлы сертификат, озьы ик телевизор, кубок но сяськаос кузьмазы.

Вань сюлмысь ӟечкыласьком бадӟым вормонэнызы Кияса ёросысь Уддяди гуртысь “Инвожо” калык ансамблез но солэсь кивалтӥсьсэ Кузебай Герд нимо премилэсь лауреатсэ Надежда Пахомоваез.

Поделитесь с друзьями:

Талантливый журналист и законченный турист. Не люблю рутину, но ношу серое.

Дом Дружбы народов
Добавить комментарий