Кияса ёросын ужзэ мытэ «Ми – бускельёс!» шудон-юмшан

Ужрад 3-тӥ арзэ ортчытиське. Азьвыл аръёсы Кияса ёросысь егитъёс ас доразы ас ёзъёссэс пумиталлязы ке, туэ асьсэос но мукет ёросъёсы поталозы.

«Таяз радэ ми люкаськом 4 ёросъесысь егитъёсты – Кияса, Дэри, Пичи Пурга но Сарапул. Огъя 60 кузя люкаськозы, – шуэ Кияса ёросысь егитъёсын ужанъя ёзэтэн кивалтӥсь Ольга Танаева. – Ми ваньмы вуылом Дэри ёросысь Изгуртысь удмурт лулчеберетъя центре. Собере милемыз пумиталозы Пичи Пургаын. Отын Татьяна Москвиналэн «Дэрем» студиеныз тодматском. Милемлы мастер-класс возьматозы. Нош Яганын ӟуч культураен тодматском. Отын милемыз возьма выль ар шулдыръяськонъёслы сӥзем сульдэръёсын возьматон, – азьланьтэ Ольга Танаева. – Асьме ёросамы тодматскомы пор но бигер культураосын. Эктонъя, кырӟанъя мастер-классъёс ортчозы, та выжы калыкъёслэсь сиён-юонзэс оскалтом».

Шудонлэн берпумети интыез – со Кияса ёросысь Уддядиысь «Удмурт корка». Татын егитъёслэн ог-огенызы тодматскыны луонлыксы бадӟымгес луоз. Соос 4 ёросъёсты котыръямзы сярысь видеоролик лэсьтозы.

« Та ужрадмылэн туж бадӟым кулэлыкез. Пӧртэм выжы калыкъёслэн егитъёссы ог-огзылэн культураенызы тодматско, – вера Ольга Танаева. – Милесьтым та шудонмес Сарапул ёрос асэстӥз ини. Умой луысал, со паськытгес вӧлмысал ке». 

Дом Дружбы народов
Добавить комментарий