«Мылысь-кыдысь» нимам вожвылъяськонэ пыриськизы Пичи Пурга ёросысь, Дэри ёросысь Ожмос-Пургаысь, Алнаш ёросысь Сырьез гуртысь, Кияса ёросысь Вуж Сальялась ансамбльёс. Коллективъёс вожвылъяськизы 5 номинациосъя:
1. «Кырӟалом но вералом»
2. «Мынам гуртэ»
3. «Маскарчиос»
4. «Борддор вылэ борддор»
5. “Усточиос – кибашлыос”
Вань ансамбльёс, кудаз ке но номинациын вормисе потӥзы, диплом но кузьым басьтӥзы. Концерт бере вал шулдыръяськонъёс, ӝӧк сьӧрын пуконъёс. Праздникен, люкаськем калыкез ӟечкылаз Татьяна Ишматова, “Удмурт Кенеш” огазеяськонлэн тӧроез.
