Кибашлыослэн центразы – выль адӟытон

Адӟытонын куролэсь, горд сюйлэсь, кызьпу туйлэсь арбериос возьматэмын. Соос нимаз суред яке композициос кылдыто.

Уката но пусйыны луоз дӥськутъёсты. Кезъёслэн туала удмурт дэремъёссы вашкалаеныз герӟаськемын. Соос уйпал сямъёсты чакласа быдэстэмын.

«Буёлъёсъя, пужыосъя лад-лад уйпал колорит. Шӧдӥсько ӟучъёслэн, калмезъёслэн виштыоссы», – шуэ чеберлыко киужъёсъя ценртлэн кивалтӥсезлэн воштӥсез Алексей Кузнецов.

Нош кемалась ик ӧвӧл кезъёс выль амал поттӥзы – удмурт бохо. Таӵеез шаерамы ӧй вал на.

«Выль ужъёсын ӧжыт подкладэз, – шуэ  чеберлыко киужъёсъя ценртысь ӧнерчи Татьяна Тихонова. – Чылкыт куэм басма басьтэмын, солэн дуръёсыз но куасалтыса вуремын ӧвӧл, озьы ик кельтэмын – со бохолэн амалъёсыз. Вераны кулэ на, бохо амалэн быдэстэм дӥськут чибориё, паськыт луэ».

Дӥсь вурем сяна кез кибашлыос туж быгатыса ужазы куто пужым выжыез. Вераны кулэ, пужымлы нокыӵе изъян уг луы. Солэсь выжызэ курикен кыскыса потто. Собере сузяло, вандыло, котто но материал дась. Пужым выжылэсь быдэстэм арбериос туж кема возисько, – шуо ӧнерчиос.

http://www.myudm.ru/

Контентмейкер, мемолог и журналист

Дом Дружбы народов
Добавить комментарий