Кез ёросын удмурт кылъя фестиваль ортчоз

Фестивальлэн валтӥсь ӧрез – удмурт урокъёсты ортчытон. Соин ик люкаськемъёс котькуд нунал удмурт кылэз дышетозы, удмурт калыклэн лулчеберетэныз, сям-йылолъёсыныз тодматскозы.

Со сяна, ужрад улсын пӧртэм мастер-классъёс но мукет яркыт ужрадъёс ортчозы. Кылсярысь, люкаськемъёс перепеч пыжыны, пельнянь кутыны, удмурт эктонъёсты тыпыртыны дышетскозы. Тылскем дорын пуконъёс, шурын пыласькон, ӝӧк выл шудонъёс радъяськозы. Мылкыд карисьёс гуртэ поръяны поталозы, экскурсиен Кезэ но вуылозы.

Таяз радэ фестивальын одӥг группа гинэ ужалоз. Удмурт кылэз ӟеч тодӥсьёс но, али дышетыны кутскемъёс но ӵошен тыршозы. Ужрадэз радъясьлэн Евгения Лекомцевалэн верамезъя, фестивале 16 арессэс ортчем мылкыд карисьёс пыриськыны быгатозы. Нылпиос понна группа вуоно арын радъяськоз.

Талантливый журналист и законченный турист. Не люблю рутину, но ношу серое.

Дом Дружбы народов
Добавить комментарий