Калыкъёслэн Эшъяськон юртазы «Что? Где? Когда?» шудонъя Чемпионатлэн вормисьёсыз ялэмын

Чемпионат радъяськиз Элькунысь «Достлуг» азербайджан огазеяськон кичӧлтэм улсын.

Визь сынанъя шудонэ 19 командаос пыриськизы, со: ӟучъёслэн «Спас», мордваослэн «Умарина», армян егитъёслэн «Гарни», бигеръёслэн «Татарлар» но «Мирас», еврейёслэн «Кип-Иж» но «Цимес Форте», немецъёслэн «Клюк-глюк», удмуртъёслэн «Шунды», азербайджанъёслэн «Абшерон» но «Одлар Юрду», белоруссъёслэн «Батьковщина», грекъёслэн «Никея», украинецъёслэн «Громада», озьы ик Калыкъёслэн Эшъяськон юртсылэн «Патриоты» командазы, Ижкарысь Первомай ёросысь инвалидъёслэн «Первомайцы» командазы, Со сяна Чемпионатэ пыриськизы 3 командаос, кудъёсыз ужась егитъёс куспын радъям визь сынанъя фестивальын вормисьёс луизы, со – Глазкарысь Чупчи механикая заводысь «Мудрый атом» команда, Ижкарысь «Купол» огазеяськонысь «Тревожные мысли» но Сарапулысь электрогенераторной заводысь «Просто ЯтЪ».

Вожвылъяськонлэн юанъёсыз йӧскалык темаен герӟаськемын вал. Озьы ик соос историез, литератураез, искусствоез но киноез тодэмез кулэ каризы.

Быръён тур бӧрсьы финалэ потӥзы «Спас», «Татарлар», «Кип-Иж», «Мудрый атом», «Тревожные мысли» но «Просто ЯтЪ» командаос.

Турнирлэн кыкетӥ люкетэз брейн-ринг амалъя ортчиз. 6 командаос пӧлысь 3 тужгес визьмоомыз кылизы. 1-тӥ интые потӥз бигеръёслэн «Татарлар» командазы, 2-тӥ луиз – Глазкарысь Чупчи механикая заводысь «Мудрый атом» команда но 3-тӥ – Сарапулысь электрогенераторной заводысь «Просто ЯтЪ».   

Дом Дружбы народов
Добавить комментарий