Калыкъёслэн эшъяськон юртазы «Секреты удмуртских мастеров» книгаен сӥё-дано тодматскон ортчиз

Книга тодматэ лыдӟисез удмуртъёслэн XIX-XXI дауръёсы быдэстэм чеберлыко киужъёсынызы. Выль издание бордын трос пӧртэм ужъюртъёсысь ӧнерчиос тыршизы – кибашлыос, туспуктӥсьёс, дизайнеръёс, мерлыко огазеяськонъёслэн ёзчиоссы, элькун тӧрлык но трос мукет.
Составителез Георгий Грязев пусъе – книгалэн ӧвӧл нимаз авторез – со трос адямилэн тыршемез, ужез.

«Просвещенилэн наркомез Луначарский пусйылӥз, «вотякъёслэсь адӟем кароно шуыса». Со ноку но удмурт издательстволэсь ужамзэ ӧз пыкылы, вылӥ дунъялляз. Малпасько, кунлык кылдытон, тодон-валан сётон, калык пӧлын культураез вӧлмытон ужын книга валтӥсь инты басьтэ шуыса веранлы пумит луисьёс уз шеде», — пусйиз Удмурт Йӧскалык лыдӟиськоннилэн кивалтӥсез Татьяна Тенсина.

Оцените статью
Дом Дружбы народов
Добавить комментарий