Калыкъёслэн Эшъяськон юртазы «Возвращение к истокам» Элькун конкурслэн финалэз ортчиз

Ялэм конкурс улсын та дышетсконниослэн шаертодонъя ортядъёссы гужем ӵоже эскерон ужъёс Балезино ёросысь Падераын, Кез ёросысь Кузьмаын, Алнаш ёросысь Варалиын, Можга ёросысь Бадӟым Сибыын, Дэри ёросысь Гольянын, Глаз ёросысь Самкиын но мукет гуртъёсын нуизы. Егитъёс гуртъёсысь йӧскалык аспортэмлыкъёсты шараян, соосын тодматскон вылысь ужъёсты быдэстӥзы. Шедьтэм материалзы вылын «Открываем Удмуртию» ним улын видеоролик дасязы. Озьы ик асьсэ дышетсконниосын шаертодонъя занятиос ортчытизы.

Конкурсэ пыриськисьёслэсь ужзэс жюри эскериз. Солэн ёзчиосыз таӵе йылпумъянъёс лэсьтӥзы: 1-тӥ инты – Ижкарысь промышленно-экономической колледж, 2-тӥ – Можгаысь педколледж но 3-тӥ луиз Ижкарысь сиён-юон удысын ӧнерчиосты дасянъя техникум.

«Лучшая методическая разработка» номинациын устоен пусйемын Глазкарысь эмтехникум но Удмуртиысь дышетӥсьёсты дасянъя кун колледж, нош «Лучший видеоролик» номинациын – Сарапулысь машиностроениея но ивор технологиосъя техникум.

Ватсан: «Возвращение к истокам» Элькун конкурс 4-тӥ арзэ ортчытӥське. 

Дом Дружбы народов
Добавить комментарий