Йӧскалык огазеяськонъёслэн ёзчиоссы понна дышетскон ортчиз

Ужрадын грантъёслы куриськонъёсты шонер гожъяны дышетӥзы, валтӥсь ӧръёс сярысь валэктӥзы. Форуме 200-лэсь ятыр адямиос пыриськизы.

Йӧскалык огазеяськонъёслэсь проектъёссэс улонэ пыӵатыны 18 миллион манетлэсь ятыр уксе висъямын вал. Со пӧлысь бадӟым люкетэз, нош со 10 миллион манет, Сарапулын Прикамьеысь выжы калыкъёслэн но религилэн историзылы сӥзем музей кылдытонлы мыноз.

«Огъя вожвылъяськизы 50-лэсь трос проектъёс, – шуиз президент грантъёсъя фондлэн директорез Иннокентий Дементьев. – 43-ез экспертизаозь вуизы. Соос пӧлысь 6-ез куриськонъёс нырысетӥ конкурсын  вормизы. Ӵапак соос кие кошкиз 18 миллион но 700 сюрс манет. Огъя учконо ке, ортчем аръёсын ӵошатыса, грантъёсы пыриськисьёсын югдур Удмуртиын умояса кошке».

Али конкурслэн 2-тӥ люкетэз мынэ. Люкылыны чаклам грантъёслэн быдӟалазы 4 но ӝыны миллиард манет. Куриськонъёсты 29-тӥ куарусёнозь куто. Проектъёс 12 ӧръёсъя луыны быгатозы – со тазалыкез утён, дышетон удыс, калыклы мер юрттэт сётон но мукет.

 

 

Контентмейкер, мемолог и журналист

Дом Дружбы народов
Добавить комментарий