Йӧскалык лыдӟиськонни «Удмурт шаер» клубаз выль книгаен тодматскон ортчытӥз

Анатолий Матвеев – шаерамы тодмо адями. Инженерысь со кивалтӥсе вуиз. Тодос удыс но солы вормымон луиз. Экономикаен мур тунсыкъяськемез мылкыд но, кужым но сётӥз кӧня ке ужъёс гожтыны.
 
Пенсие потыса Анатолий Матвеев ас выжыосыныз тунсыкъяськыны кутскиз. Озьы лыдӟисьёс доры кыкетӥ книгазэ вуттӥз. Отын Матвеев выжылэн 200 ар ӵоже улэм-вылэмез Удмуртилэн быдэс историеныз герӟаса возьматэмын.
 
«Книгаям гожтэмын милям семьямылэн 6 поколениез сярысь, – вера Анатолий Матвеев. – Выжыысьтымы котькудӥз ас ужазы асьсэдыз ӟеч возьматӥллям. Тани мынынам пресь атае, Алексей Матвеевич Матвеев, кудӥныз мон 7 аресысен 16 аресозь улӥ, 20-тӥ 25-тӥ аръёсы депутатэ кандидат, ВЦИК-лэн ёзчиез вал. Солы Калининэн но ӵош ужаны кылдӥз».
 
Анатолий Матвеев выжыосыз сярысь эшшо 2 книга дася на. Туннэ нуналлы 130 мурт ӵыжы-выжыоссэ шедьтӥз ни. Тунсыко гожъямъёссэ “Кенеш” журналын но печатла.

Дом Дружбы народов
Добавить комментарий