Искасентдьёрдьын туала удмурт модаез возьматӥзы

Та ужрад сырысь «Удмуртия» агентстволы ивортӥз фестивале одӥгез пыриськись Лариса Дмитриева.

«Фестивалез радъяз удмурт азьветлӥсь Дарали Лели. Со Россилэн ыстэм муртэз сямен ӝыны ар Венгриын улэ ни. Возьматӥзы йӧскалык шӧмъем дӥськут лэсьтӥсь дизайнеръёслэсь коллекциоссэс: Эгралась Надежда Касаткиналэсь, Кезысь Евгения Лекомцевалэсь но Ижкарысь Полина Кубисталэсь. Озьы ик фестивале вуиз Миклош Деметерлэн удмурт-мадьяр семьяез, соос ыжгонлэсь шудонъёс но удмурт калык инструментъёсты лэсьтыны дышетӥзы», – вераз Лариса.

Удмурт лулчеберетъя фестивале пыриськизы Быгы гуртысь куноос но. кызьы тодмо, Бывгы 2014-тӥ арын со финн-угор дуннелэн нырысетӥез лулчеберетъя шоркарез луиз. Удмуртъёс мадьяръёсты калык эктонъёсын но шудонъёсын тодматӥзы, кыстыбеен но перепечен утялтӥзы, Удмуртиысь делегаци 18-тӥ даурысь замокын улӥз.

Лариса Димтриевалэн верамезъя, Венгриын финн-угор ӵыжы-выжыоссы сярысь туж ӧжыт тодо, нош ортчем фестиваль удмуртъёслы вашкала но туала лулчеберетсэс возьматыны луонлык сётӥз.

Дом Дружбы народов
Добавить комментарий