«Иж-Женева» проект ужзэ мытӥз Швейцариын но Франциын

Ужӵектос улсын Женеваын «Рождество по-русски» ӝыт радъямын вал. Отчы люкаськемъёс Россиын ортчись Ымусьтон праздниклэн сям-йылолъёсыныз тодматскизы. Программаын удмурт шаерен тодматон люкетэз но вал. Кунгожчиос ӝуко мильымен кунояськизы но Надежда Уткиналэсь кырӟанъёссэ кылзизы. Со сяна чузъяськизы «Споём вместе» хорлэн кырӟанъёсыз, возьматэмын «Романо-арт» группалэн эктонъёсыз. Озьы ик шулдыръяськонэ пыриськизы Тол Бабай но Лымы Ныл.

Франциысь Тонон-ле Бен карын Ижкарысь хормейстер Екатерина Хабибуллина мастер-класс ортчытиз. Нош «Русская душа» хор аслаз репертуараз «Гурезь но бамын» удмурт калык кырӟанэз пыртӥз. Сое артистъёс быдэстозы пӧсьтолэзе Ижкарын. Ӵапак соку «Иж-Женева» проект Удмуртие вуоз.  

Дом Дружбы народов
Добавить комментарий