Ижкар туризмъя выль маршрутэ пыртэмын

«Великий Волжский путь» маршрут кылдытон сярысь 2016-тӥ ар кутсконын вераськон мытӥзы. Отчы Россиысь 13 улосвылъёс пыризы. Туристъёс Нижний Новгородысь, Кировысь, Казаньысь, Йошкар-Олаысь, Саратовысь, Пермьысь, Ижкарысь, Самараысь, Пензаысь, Ульяновскысь, Саранскысь но Чебоксарыысь архитектурая тужгес тунсыко синпелетъёс доры вуылозы. Мынон-ветлон 3–4 нунал кыстӥськоз. Нырысетӥ куноос маршрутъя 2017-тӥ арын гужем ортчозы ини. Сое усьтонэ Австриысь ужбергатон но ивор вӧлмытон удысъёсын ужасьёс пыриськозы шуыса чаклало.

Тодады вайытом, али Удмуртиын Пётр Чайковскийлэн вордӥськем интыяз туристъёсты кыскон понна выль кластерез кылдытонъя ужъёс мыно. Вотка карысь тымет ярдурлэсь шор люкетсэ выльдон ужъёсты 225 миллион 400 сюрс манет тыр дунъязы. 

Дом Дружбы народов
Добавить комментарий