Ижкар но Брест – вынлыко каръёс

«Экономика, ужбергатон но мукет удысъёсты ӵошен азинитон сяна, лулчеберетъя ужпумъёсты но герӟано, – шуиз Ижкарлэн тороез Юрий Тюрин Брест карлэн исполкомезлэн кивалтӥсезлы Александр Рогачуклы. – Оскисько, ми шаерысь усто коллективъёс ти дорын возьматозы быгатонлыкъёссэс, нош тилядъёсыз – ми дорын».

Белоруссиысь куноос вуылӥзы промышленой предприятиосы но бизнес- компаниосы. Азьланяз кусыпъёс тупатон амалъёсты чаклазы-эскеризы. Ижкарлэн тороез Юрий Тюрин пусйиз, Брест – туж чебер но чылкыт кар. Ужаны кулэ ӵошен экономика, жилищно-коммунальной удысъёсъя кусыпъёсты юнматон бордын.

Ватсаса. Брест но Ижкар куспын пӧртэм удысъёсты азинтонъя тупанкыл 2015-ти арын инвожое гожтэмын. Туннэ пусйыны луэ ини, туэ каръёс куспын вузъёсты бергатон 2 поллы йылӥз.  

Дом Дружбы народов
Добавить комментарий