Ижкарысь 11 номеро школаын пӧртэм культураос сярысь пиналъёслы тодон-валанъёс сёто

Ужрадэз Йӧскалык политикая министр Лариса Буранова ӟечкыланъёс бордысен кутскиз: ӟуч культурая обществолэсь кивалтӥсезлэсь воштӥсьсэ Светлана Щаповаез Удмуртиысь Данъян пул вылэ пырменыз, егитъёслэн «Вместе» огазеяськонзылэсь кивалтӥсьсэ Мария Царёваез Пермын ортчем 3-тӥез Росси форумын вормемез понна, Удмуртиысь бигеръёслэн огазеяськонэныны кивалтӥсез Рамзия Габбасоваез шаерамы бигер движенилы 25 ар тырмонэн но Элькун Тӧролэсь Таукаронзэ басьтэменыз.

Ижкарысь 11 номеро школа «Модель поликультурного образования в условиях общеобразовательной школы» проектэз улонэ пыӵатонъя эскерон площадка луиз.

«Выль дышетскон ар кутсконысен ини та ӧръя ужъёс кутскизы, – шуэ школалэн директорез Наталья Матвеева. – Валтӥсез – пӧртэм культураос сярысь пиналъёслы тодон-валанъёс сётон. Кылсярысь, крезьгуръя урокын пиналъёслы верало калык инструментъёс сярысь, ОБЖ-ын – экологи ужпумъёсты ӝуто, но мукет. Со сяна школамы 25 ар ӵоже ини Элькунысьтымы Искусствоосъя нылпи школаен ужа. Отын дышетскись пиналъёс удмурт кылэз но литератураез дышето.

Проект 5 арлы чакламын. Со дыр ӵоже мукет дышетсконниослы выль ужан амалмес ӵектыны луоз ини, – азьланьтэ Н.Г. Матвеева. – Али дышетӥсьёс ужан программаосазы поликультурной компонетэз пырто, тодон-валанзэс будэтонъя кусъёсы ветло». 

Дом Дружбы народов
Добавить комментарий