Ижкарысь чеберлыко киужъёсъя йӧскалык центрын крезьгур инструментъёсты лэсьтонъя семинар ужаз

Крезь, узьыгумы, дымбыр вашкала крезьгур инструментъёсты туннэ лэсьтон пумысен трос юанъёс, трос валэктонъёс. Котькудӥз кибашлы аслыз амалъёс утча: кыӵе арберилэсь лэсьтоно, маин буяно.

Якшур-Бӧдья ёросын Василий Широбоков сяна удмурт крезьгур инструментъёсты лэсьтӥсьёс ӧвӧл. Школаын дышетскыкуз, «Шундыкар» лагере вуылӥз. Отын крезьгур инструментъёсын тодматскиз, пумен тунсыкъяськыны кутскиз: кызьы сое лэсьтоно, кыӵе материалъёсты кутоно. Туннэ Василийлэн шыкысаз 5 кубыз но дасо пала быдӟым крезь люкамын.

«Реставрацие мыным сётьязы вал крезь лэсьтӥсьлэсь Сергей Кунгуровлэсь крезьзэ, – шуэ Василий Широбоков. – Мон соя чертёжъёс лэсьтӥ, соя ик кутски ачим лэсьтыны. Али каллен вылтусаз воштонъёс пыртӥсько. Озьы мукетгес инструмент пӧрмытӥсько».

2014-тӥ арысен кутскыса, Ижкарысь чеберлыко киужъёсъя йӧскалык центрын крезьгур инструментъёс бордын ужась кибашлыослы нимысьтыз семинаръёс, пумиськонъёс ортчо. Ёросъёсын тыршисьёс понна таӵе ужан амал луонлык сётэ ог-огенызы кенешыса, ог-огезлэсь адӟем карыса, быгатонлыкъёссэс волятыны. Ӧнерчиос экспедициосы но потазы ни, инструментъёс лэсьтыны бичетъёс но поттӥзы.

http://www.myudm.ru/

 

Контентмейкер, мемолог и журналист

Дом Дружбы народов
Добавить комментарий