Ижкарысь удмурт нылпиос понна выль ар праздник ортчиз

Ижкарысь удмурт нылпиос понна выль ар шулдыръяськон кыкетӥзэ ортчиз. Кутскон сётэмын вал валля арын Удмурт нылкышно кенеш кичӧлтэмен. Туэ выльысь ӟеч мылкыдын Ижкарысь удмурт кылын вераськыны быгатӥсь пиналъёс анай-атайёсынызы ӵош чеберъям кыз котыре люкаськизы. 

«Со туж кулэ, малы ке шуоно ӵемысь анай-атайёс ужын дырзэс ортчыто, пиналъёс – нылпи садын. Котькытын ӟуч кылын вераськоно луэ. Нош татын ваньмы удмуртъёс. Тол Бабай гинэ но удмурт кылын вераське».

Пиналъёс ог-огенызы тодматскизы, дэмен выль ар шудон пормытӥзы, шулдыръяськизы. Нош анай-атайёс праздникъёсын герӟаськем сям-йылолъёс, куронъёс сярысь трос тунсыкозэ тодӥзы психологлэсь Ольга Смирновалэсь.

«Нылпиез кылбур но вераны, маскаръяськон дӥськут но дӥсяны кужмысь косоно ӧвӧл, – шуиз психолог. – Нош выль арлы кылбур дышетон шуген мынэ ке, пуштроссэ суредано. Соку уж вырӟоз. Пиналлы юрттыны кулэ, мед со валалоз кыӵе умой со нунал, кудзэ ми возьмаськом. Покчиослы валаны шуг ай, мар со сыӵе выль ар, но чебер шудонъёс, киын мае ке но лэсьтэм, кыӵе ке зынъёс – ваньзэ соосты нылпи йыраз бергатоз но аръёс ортчыса, шуныт мылкыдын тодаз ваёз». 

Дом Дружбы народов
Добавить комментарий