Ижкарысь бигер нылаш «Бик матур» вожвылъяськонын одӥгез вормись луиз

Фотоконкурсэ Россиысь 11 улосвылъёсысь но Казахстанысь нылъёс пыриськизы. Соос асьсэ туспуктэмъёссэс регионъёсысь бигер сообществоослэн ВК вотэсбамазы интыязы. Кельшем нылмурт понна куаразэ сётыны котькуд мылкыд карись быгатӥз.

Озьы вожвылъяськонлэн быръён люкетаз котькуд улосвылысь быдэн 5 муртъёс потӥзы. Удмуртиысь финалистъёс пӧлы пыризы Алина Исламова (500 куара), Гульназ Низамутдинова (370 куара), Глюса Риянова (346 куара), Диляра Имамова (298 куара) но Гузаль Сабрекова (281 куара).

Йылпумъян люкетаз нылъёс йӧскалык дӥськутэн туспуктэмъёссэс возьматӥзы. Элькунамы вормись Алина Исламова луиз. Солы кузьым смартфон но Казане путёвка сётӥзы.

Озьы ик «Бик матур» вжвылъяськонлэн вормисьёсыз луизы:

Айгуля Валеева (Москва но Москова улос),

Лилия Шамсутдинова (Оренбург улос),

Альбина Азеева (Пенза улос),

Эля Нахиева (Пермь улос),

Лиана Фаттахова (Башкортостан),

Аделя Шагвалеева (Самара улос),

Миляуша Шаехова  (Свердловск улос),

Ариана Умалатова (Тюмень улос),

Лейсан Ураева (Ульяновск улос),

Эля Галимова (Челябинск улос),

Эльвира Насибуллина (Казахстан).

 

Контентмейкер, мемолог и журналист

Дом Дружбы народов
Добавить комментарий