Ижкарын «Читай, Ижевск» фестиваль ортчоз

Ижкар фестивале  Россиысь тодмо писательёс лыктозы.  Лыдӟиськон ужрад котьку сямен ик Ижкарлэн Шор площадяз ортчоз.  Ярмаркае Москваысь но элькунысь 30-лэсь трос издательствоос книгаоссэс поттозы. Куд-огъёссэ талонъёсын но басьтыны луоз. Соосты сётъяло кар библиотекаосын вуж книгаосты отчы нуэм понна, — валэктӥзы Некрасов библиотекаын.

Фестивальын шара лыдӟиськонъёс, вернисажъёс, кино возьматонъёс луозы. Эктон но кырӟан чакламын. Нош покчиос тодматсокзы анай-атайъёссылэн пичи дырысьтызы книга геройъёсын. Возьматозы компьютеръёс но гаджетъёс ӧвӧлтэм дыръя шудонъёсты.

Ижкарын «Читай, Ижевск» фестиваль улсын «Нылпиос Герман Ходыревез лыдӟо» элькун вожвылъяськонлы йылпумъянъёс лэсьтозы. Со 1-тӥ куарусёнэ ортчоз. Нылпиос, Г.Ходыревлэсь произведенизэ лыдӟыса, видеое гожтӥзы но Оргкомитетэ ыстӥзы. Жюрилэн ёзчиосыз быгатыса, артист сямен лыдӟисьёсты быръёзы.

Вормисьёсты 2-тӥ куарусёнэ сӥлы карозы но дипломъёсын, кузьымъёсын пусъёзы, нош вань пыриськисьёсты – сетификатъёсын.

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий