Ижкарын финн-угор рок-фестиваль ортчоз

«Кылем арын ми фестивалез ортчытӥмы ни, но кӧня ке мукетгес форматэн, – вера одӥгез ӵектосэз радъясь Денис Антонов. Ми сое нырысетӥез удмурт финн-угоррок-фестиваль нимамы. Таяз арын ми сое паськытгес ортчытыны малпамы вузкаронъя но шутэтсконъя «Петровский» огъетын. Ми доры вуоз Петрозаводскысь NOID группа. Азьланяз ми гужем опен-эйрозь будыны малпаськомы».

Фестиваль зэмзэ но паськытгес луыны кулэ, рок-крезьгурен эшъяськыны мылкыд карисьёс трос. Кылем арын ужрад шуак радъямын, рос-прос малпамтэ вал ке но, 250 адямилы чаклам зал быдэсак тырмиз.

«Егитъёс ярато рокез, дунъяло та шаерысь кылэз, – азьланьтэ Денис Антонов. – Кылем арын кык ӟуч рок-группаос пыриськизы, соос кырӟанъёссэс нимысьтыз фестивальлы удмурт кылэ берыктӥзы. Милям вань группаос, кудъёсыз англи кылын но асьсэ вордскем кылынызы кырӟало. Соос удмурт гуръёсты пырто, со туж тунсыко пӧрме. Ми сое паськытгес вӧлмытыны тыршиськомы».

Петрозаводскысь группа сяна, фестивале пыриськозы Garuda, Peace Pu, Огназкион но Малыми (Ex — Amiso Wott).  

Дом Дружбы народов
Добавить комментарий