Ижкарын калыкъёслэн эшъяськонзылы сӥзем сад усьтӥськиз

Эшъяськон садэ пӧртэм калыкъёс асьсэлэсь данъян писпуоссэс мерттӥзы: зучъёс – кызьпу, поръёс – тыпы, бигеръёс – льӧмпу, удмуртъёс – пужым. Оглом 15 йӧскалык огазеяськонъёслэн асьслэн музъем кесэгзы кылдӥз.

Музъем люкетсэс огазеяськонъёс пӧртэм сямен узырмытӥзы. Кылсярысь, ӟучъёс  самовар пуктӥзы. Немецъёслэн вукозы бергаз. Мордваослэн – колодчазы паймытӥз.

«Котькуд участокын интыямын ивортон сётӥсь блок, кытын гожтэмын кыӵе со калык, кыӵе соослэн сямъёссы, марлы сяська мерттэмын но мукет. Мон малпасько, та сыӵе умой ужрад, кудӥз будоз, азинскоз гинэ», – шуэ йӧскалык политикая министр Лариса Буранова

Ужрадэ лыктэм калыкез ӟуч калык кырӟанъя ансамбль но фольклор коллективъёс шулдыртӥзы. Со сяна «Эшъяськон хоровод», пӧртэм мастер-классъёс ортчизы, вузкаронъя ярмарка радъяськиз.

 

Контентмейкер, мемолог и журналист

Дом Дружбы народов
Добавить комментарий