Ижкарын духовно-нравственной колледж усьтӥськиз

Ижкар – Удмурт епархия кичӧлтэм улсын, таӵе дышетсконни шаерамы но быдэс Приволжск федерал округын нырысьсэ кылдытэмын. Черкын ужасьёсты сяна, вуоно арысен со дышетӥсьёсты, суредасьёсты, кырӟасьёсты но куд-ог мукет ӧнерчиосты но дасяны кутскоз. Соослы кун диплом сётиськоз.

Колледж интыяськемын вашкала юртэ – Коковихинъёслэн корказы. Со 19-тӥ даурлэн шораз ӝутэм синпелет. Тае лыдэ басьтыса, азьланьын тупатъян ужъёс радъяськозы. Та вакытэ соослы ӵектос дасяло. Али колледжын тодон-валанъёссэс будэто ни черкъёсын ужасьёс. Нош кайта, чакламъёсъя, татын дышетскисьёслэн лыдзы шодскымон будоз. Светской нимаськись отделениосы гинэ 100 пала мурт кутэмын луоз. Живописья ёзэтэн кивалтыны оскизы удмурт суредасьлы Василий Морозовлы. 

«Бадӟымъёс но, нылпиос но адӟо, адямилы кыӵе ке духовность кулэ, шуэ суредась. – Духовность пӧртэм луэ. Татын религиозной. Со туж умой. Татын адями дышетскыны, ӧнер басьтыны быгатоз. Солы диплом но сётозы».

Али колледжын лицензи басьтон бордын уж мынэ, нош собере выль дышетсконни аккредитациез но ортчоз.  

Дом Дружбы народов
Добавить комментарий