Ижкарын Горд фестиваль кутскиз

Кызьы ивортэ Ижкар Администрациысь культурая но туризмъя ёзэтэн кивалтӥсь Татьяна Шитова, туэ Кельыт фестивальлэн юбилей арез луэ бере, со огазеялоз элькунамы улӥсь но мукет улосвылъёсысь вань выжы калыкъёслэсь горд йырсиё адямиоссэс. Фестивале пыриськисьёс пӧртэм ласянь быгатонлыкъёссэс возьматозы: кырӟалозы-вералозы, калык сям-йылолъёсынызы тодматозы, спортъя вожвылъяськозы, пӧраськозы, кибашлы луэмзэс адӟытозы.

Вераны кулэ, туэ фестиваль быдэс карын – Ижевсклэн котькуд ёросъесаз ортчоз. Валтӥсь ужрадъёс 10-тӥысен 14-тӥ куарусёнозь «Горд мылкыд» ним улсын лулчеберетъя учреждениосын, нылпи садъёсын но школаосын мынозы.

14-тӥ но 15-тӥ куарусёнэ Ижкарысь вань ёросъёсын пӧртэм нимъёс улсын праздникъёс чакламын: Устинов ёросын – «Оранжевый фитнес», Ленин ёросын – «Рыжее настроение», Октябрь ёросын – «Рыжий городок», Индустри ёросын – «Рыжий фестиваль-2018».

15-тӥ куарусёнэ огъясь ужрад – «Рыжие на колесах» велопарад луоз.

Туэ Кельыт фестиваль улсын таӵе сяме пыӵам конкурсъёс луозы: «Рыжая мелодия», «Рыжий питомец», «Рыжая коляска», «Рыжий вернисаж», «LandArt», «Рыжий фонарик», «Рыжая игрушка». Озьы ик выльёсыз вожвылъяськонъёс: «Самый рыжий район», «Самая рыжая национальная площадка» но «Самый рыжий человек 2018 года».

Вормисьёс – «Гран-при» утэмъёс – фестивальлэсь «Золотой лис-2018» нимо кубоксэ басьтозы.

 

 

Контентмейкер, мемолог и журналист

Дом Дружбы народов
Добавить комментарий