Игра ёросысь Сеп гуртлэн шор сюлэмыз культурая кварталлы пӧрмиз

Сепын арлы быдэ выльдӥськон умой сямлы пӧрмиз ни. Миым сӥзьыл ик татын бырем гуртъёслэн музейзы ужаны кутскиз. Табере культурая квартал усьтӥськиз. Со музей проектэз азьланьтэ. Гуртын улонэз тунсыко карон сярысь сюлмаськиз ачиз калык. Порект бордын тыршисьёс, нырысь ик, гуртоослэсь ӵектонъёссэс лыдэ басьтӥзы. Нош улонэ пыӵатыны юрттӥзы Ижкарысь студентъёс но архитекторъёс.

Культурая квартал улсын кылдэм мукетыз объект со -“Азбар” нимо экспозици. Со бырем гуртъёслы сӥзем музей проектлэн азинсконэз луэ. Кырын инбам улын интыяськизы азьвыл аръёсы кутӥськем ужан тӥрлыкъёс. Соосты утчан но утён сярысь нош ик гуртын улисьёс асьсэос сюлмаськизы.

«Гуртоос гожъяло проектъёс, пӧртэм грантъёсысь коньдон люкало татчы. Со туж умой. Сепъёслэсь адӟем карыса ужаны тыршо ини али ёросысьтымы вань поселениосын», – шуэ Игра ёрос администрацилэн тӧроезлэн воштӥсез Александр Шамшурин.

Сепъёс культурая кварталзэс пумен паськытатыны чаклало. Татын кылдоз асьсэлэн гурт обсевравторизы. “Сепоскоп” пыр инбамысь кизилиосты учкыны быгатозы. Озьы ик выль тусо карозы автобус дудылоннизэс, шурлэсь ярдурзэ но мукет интыосты. Малпанъёссы трос. Соосты матысь 2 но ӝыны ар ӵоже Потанинлэн фондысьтыз утэм грант чотын быдэстозы.

http://www.myudm.ru/

 

Контентмейкер, мемолог и журналист

Дом Дружбы народов
Добавить комментарий