«Зарни шыкыс» огазея Глаз ёросысь школаосты

Нырысь-валысь нылпиос эскерон уж быдэсто, собере солэсь оглюкетсэ сцена вылын возьмато. Туэ ёросысь 8 школаос люкаськизы.
 
Вера Куреггурт школаысь дышетӥсь Алевтина Иванова: «Эскерон ужзэс быдэстон понна пиналъёс коркась корка ветло, материал люкало. Собере быдэстэм ужзылэсь оглюкетсэ сцена вылын возьмато. Та фестивальмы со эскерон ужлы йылпумъян выллем луэ».
 
Кылсярысь, сцена вылын Дондыкар школаысь пиналъёс возьматӥзы удмурт сямен «Армие келян» йылолэз, Слудской школаын дышетскисьёс быдэстӥзы вунэм тусьты-пуньы сярысь ӟуч кырӟанэз.
 
Шаерысьтымы унояз ёросъёсын кадь Глаз палъёсын но сюлэм висёнзы вань – удмурт пиналъёслэн анай кылзы валтӥсь ӧвӧл. Мӧйыос вольыт асьсэ манерен верасько на ке, егитъёс ӟучомо. Та ужрад кулэ ӧре нуэ. Сям-йылолъёс пыр пиналъёс гожъяськон, вераськон кылзэс азинто.
Фестивалез дунъязы гурт, ёрос кивалтӥсьёс, Ижкарысь куноос. Радъясьёслэн та фестивалез ёроскуспо карыны мылкыдзы вань – уже тросгес школаосты кыскон вылысь.

Дом Дружбы народов
Добавить комментарий