Егитъёслэн 2-тӥез «ЭТНОволна» росси форумзы ортчоз Глазкарын

«ЭТНОволна» форум 2017-тӥ арысен ортче. Валтӥсь мугез –егитъёс пӧлын калыккуспо ужпумъёсъя пуктэм ужан амалъёсын люкиськон.

Проект грант уксёлы луыса улонэ пыӵа. Грантэз утыны луиз вылӥ дышетсконниос куспын егитъёслэн проектъёссыя росси конкурсэ пыриськыса.

Форуме люкаськемъёс йӧскалык лулчеберетэз утён но азинтон сярысь вераськозы, йӧскалык кусыпъёсъя ӵектосъёсынызы тодматозы, анай кылзыя мастер-классъёс ортчытозы.

Озьы ик ужрадын чеберлыкъя но быгатонлыкъя «Чеберай дышетӥсь» вожвылъяськон радъямын луоз. Пӧртэм калык выжые пырись студентъёс ас кылынызы кырӟалозы, вералозы, йӧскалык дӥсен но вашкала арбериосын чебермам туала костюмен дефиле возьматозы.

«Ми малпаськом, форумын лыктэм егитъёс пӧртэм выжы калыкъёслэн лулчеберетазы «выёзы» шуыса, егитъёс пӧлын калыккуспо ужпумъёсъя пуктэм ужан амалъёсын люкиськозы, – шуэ Глазкарысь педагогикая кун институтлэн ректорез Янина Чиговская-Назарова. – Со сяна палэнысь лыктэм студентъёслы асьме шаермы сярысь вераны, проектъёсты улонэ пыӵатон вылысь ужъюлтошъёсты шедьтыны луонлыкъёс вань».

«ЭТНОволна» форуме пыриськон понна куриськонъёсты 25-тӥ коньывуонозь куто.

 

 

Контентмейкер, мемолог и журналист

Дом Дружбы народов
Добавить комментарий