Дэриын ужа «Шудкар»

Ӵектос кылдытэмын «Шунды» огазеяськонлэн «Шундысиос» движениезлэн ужамез улсын удмурт кылэз дышетыны яке кылзэс волятыны мылкыд карись пиналъёс понна.

Лагерь ортче  Дэри черко гуртысь школа-интернатын. «Шудкаре» лыктэмын 7-11-тӥ классын дышетскисьёс, кудъёсыз мыло-кыдо пырисько «Шунды» огазеяськонлэн яке «Шундысиос» движенилэн ужаз.  Лагерысь валтись вожатой Влад Степанов  верамъя,  сменалэн тематикаез – удмурт кыллэн, лулчеберетмылэн вашкалаез но туалаез. «Пиналъес тани дышетскизы ини «стрит-арт»  амаллы, дышетсконни боддор вылэ чебер суредъес суредазы. Вань ужмес «таймлапс» снимать карим, озьын, туж тунсыко видео пормыны кулэ, «мар вал- мар луиз»  амалъя», -ивортӥз Влад.

Дэриын ужа «Шудкар»

Пиналъёс доры вуыло тунсыко егит ӧнерчиос. Алёна Глухова, «Чипчирган» фольклор ансамбле ветлӥсь, кылсярысь, удмурт эктонъёсъя мастер-класс ортчытӥз. «Оскисько, пиналъёслы кельшиз шуыса. Нырысетӥ эктонме тодам вайыса но нылпиосын ӵошатыса, соос умойгес мынэсьтым эктӥзы кадь потэ, — ивортэ Алена. – «Тӥляд ваньмыз умой пӧрмиз, азьланьтӥды ке, эшшо на умойгес луоз на», — вазиськи мон пиналъёслы».

«Шудкарчиос» озьы ик пумиськылӥзы Дэри черко гуртысь «Мозмон» удмурт клубе ветлӥсь нылкышноосын. Табере тодо, кыӵе кулэ луыны сюан гур, кызьы дӥсяло выль кенэз, мар со — «кен пылатон» но малы со одно ик та сям-йылол куинь пол ортчыны кулэ.

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий