Дышетонын этнокультурая ужпумъёсты эскеризы Калыкъёслэн Эшъяськон юртазы

Конференцилэн мугез – Удмуртиысь огъя но ватсаса тодон-валан сётонъя дышетсконниосысь дышетисьёслэсь этнокультурая ужзэс радъян.

Ужрадэ пыриськизы Элькун кивалтӥсьёс, дышетӥсьёс, шаертодосчиос, йӧскалык огазеяськонъёслэн азьветлӥсьёссы.

Калыкъёслэн Эшъяськон юртэнызы кивалтӥсь Т.П. Боталова пусйиз: «Этнокуьтурая уж нылпи пичи дыръяз ик кутске ини. Йӧскалык лулчеберетэн, сям-йылолъёсын тунсыкъяськон пыӵато тодон-валан сётӥсь огазеяськонъёс. Туннэ шаерысьтымы дышетон но йӧскалык огазеяськонъёс огазе ужаны кутскыны кулэ. Ӵапак соос бордын этнокультурая дышетонлэн азинлыкез. Али Калыкъёслэн Эшъяськон юртазы выжы калыкъёслэн 36 объедениоссы пыро, – азьланьтэ Т.П. Боталова, – соос тыршо лулчеберетэз, йылолъёсты утён бордын. Со ласянь соослэн узыр ныпъетсы ини. Сое уже кутыны кулэ».

«Проблемы и перспективы поликультурного образования в современной Удмуртии» доклад лыдӟиз Удмртиысь йӧскалык политикая министрлэн воштӥсез Павел Орлов, «Этнокультурное образование как фактор гармонизации в сфере межнациональных отношений в Удмуртии» темалы веранзэ сӥзиз истори наукаосъя кандидат Денис Черниенко, озьы ик «Концепция этнокультурного образования УР: шаги к внедрению и реализации» темая докладэз вал истори наукаосъя кандидатлэн Рустам Касимовлэн.

Конференци улсын 4 секциос ужазы. Котькудзы соос огъя дышетон программаын но ватсаса тодон-валан сётонъя ужрадъёсын этнокультурая люкетлэн интыеныз герзаськемын вал.

Ужрад йылпумъяськиз «котырес ӝӧк» сьӧрын шаерысьтымы дышетон но йӧскалык огазеяськонъёслэн кусыпъёссы сярысь кенешонэн. 

Дом Дружбы народов
Добавить комментарий