“ДондыДор” нимо йӧскалыккуспо дышетскон форум мынэ Глазкарын

Глаз ёрос узыр археологияя историеныз. Тодмоез но пӧламы вӧлмымтэез объектъёс гинэ 15 лыдъясько. Иднакар, Дондыкар – тужгес но данъяськымоноосыз.

Вашкала синпелетъёсты калыке вӧлмытон – форумлэн валтӥсь ужпумез. 

Конференцие пырисько – шаерчиос, историкъёс, археологъёс, школаосысь но вылӥ тодон-валан сётон ужъюртъёсысь дышетӥсьёс но дышетскисьёс, археологиен тунсыкъяськись адямиос.

Докладъёсын чузъяськем эскеронъёс 2 ар куспын бадӟым уже пырыны быгатозы. Ёросысь Адам гурт вӧзын «ДондыДор» парк» кылдоз.

«Со луоз инвестиционной проект, – шуэ Глаз ёрос администрациысь лулчеберетъя но егитъёслэн политиказыя ёзэтэн кивалтӥсь Светлана Коротаева, – кытчы пыриськозы ужбергатӥсьёс но, огшоры адямиос но, кудъёсыз тунсыкъясько историен. Малпаськомы, та проектмы тунсыко луоз вань туристъёслы».

Дом Дружбы народов
Добавить комментарий