«Даур гур» элькун фестивальлэсь валтӥсь кузьымзэ басьтӥз Дэбес ёрос

Удмурт лулчеберетъя «Даур гур» III элькун фестиваль-вожвылъяськонын вормиз но 100 сюрс манетлы сертификат басьтӥз Дэбес ёрос.

Фестиваль-конкурслэн Куронэзъя, юнматэмын валтӥсь кузьым. Сое сёто муниципал кылдытэтлы, кудӥз лауреат луэм сярысь тужгес трос дипломъёс басьтӥз.

Гала-концерт фестивальын вормисьёсты пусйизы. Соос пӧлын кырӟанъя но эктонъя «Марӟан» ансамбль (Дэри ёрос), калык кырӟанъя «Ерпечкаос» ансамбль (Кияса ёрос), арганчиослэн «Кармыжские соловьи» калык ансамбльзы (Кизнер ёрос), «Тӧдьы Юсь» этнофутуристической калык огазеяськон (Якшур-Бодья ёрос) но мукет коллективъёс но кырӟасьёс.

Удмурт лулчеберетъя «Даур гур» III элькун фестиваль Ижкарын бадӟым гала-концертэн йылпумъяськиз. Калык творчествоя элькун юртлэн сцена вылаз потазы фестивальын вормисьёс — элькунысьтымы тужгес усто коллективъёс. Пыриськисьёс удмурт лулчеберетэз пӧртэм ӧръёс пыр возьматӥзы — фольклор но калык кырӟан, крезьгуро инструментъёсын шудон но калык эктон, чеберлыко киуж, эстрада кырӟан но лулчеберетысь туала ӧръёс.

Тодэ вайытом, фестиваль 2016 арын тулыс ужзэ мытӥз. Южтолэзе усьтонэз ортчиз но удмурт лулчеберетэз пӧртэм ӧръёсын азинтонлы сӥзем ужрадъёслы кутскон сётӥз. Элькунысьтымы ёросъёс но каръёс фестивале мыло-кыдо пыриськизы. Ар ӵоже 100-лэсь ятыр пӧртэм ужрадъёс ортчизы: адӟытонъёс, пумиськонъёс, театр возьматонъёс но концертъёс. Отчы 200-лэсь ятыр коллективъёс, 1 сюрс 500 адями пыриськизы.

Дом Дружбы народов
Добавить комментарий