Гужем Татарстанысь Тэремшур черкогуртын удмурт егитъёслэн «БиГерд» улосвылкуспо форумзы ортчоз

Ужрадлэн валтӥсь ужпумез: егитъёсты удмурт кылэз но лулчеберетэз улӟытон, утен но вӧлмытон, пӧртэм выжы калыкъёслэсь кусыпъёссэс юнматон но азинтон уже кыскон.

Форум удмурт егитъёс пӧлысь азьветлӥсьёсты шараяны юрттоз, егитъёс удмуртъёслы ужбергатӥсьёсын, мер азьветлӥсьёсын но тӧрлык ёзэсъёслэн ыстэм муртъёсынызы кенешон понна умой инты луоз. Со сяна, форум улсын удмурт йӧскалык дӥськутъёсын паськыт флешмоб ортчытозы, отчы Менделеевск ёросын улӥсь егит удмуртъёсты кыскозы.

Улосвылкуспо форуме пыриськисьёслэн арлыдзы: 18–30 арес. Котькуд ёрослэсь 1–2 адями ыстыны кулэ. Оглом форуме 50 адями пыриськоз.

Ватсалом, 24-тӥ иновжое Тэремшур черкогуртын ик «Гырон быдтон» элькун шулдыръяськон ортчоз.

Тодэ вайытом туэ пӧсьтолэзе Татарстанысь удмуртъёслэн автономизы школаосын 8–10 классъёсын дышетскись удмурт пиналъёс калык лулчеберетъя лагерь смена ортчытыны чакла. Со сяна, покчи нылпиос понна «Мудорвай» вожвылъяськонэз азьланьтозы.

http://udmurt.media/udm/news/kultura/18347/

 

 

 

Поделитесь с друзьями:

Контентмейкер, мемолог и журналист

Дом Дружбы народов
Добавить комментарий